ايهما افضل" الجواز عن حب، ولا التقليدي" اعتقد ان في ناس كتير هتقول الجواز عن حب، بس عايزين نفكر مع بعض ونستعرض الاراء كلها ، يعني اولا بالنسبة للجواز عن حب، ساعات بنلاقي ناس اتجوزوا عن قصص حب جامدة جدا وفي الاخر الجوازة بتفشل وكل الحب اللي كان بينهم انتهي ،
وبالنسبة للجواز التقليدي، ممكن نلاقي جوازات ناجحة جدا وساعات كتير بنلاقي ناس اتجوزوا جواز تقليدي وحياتهم سعيدة وكلها حب، وممكن كمان يكون الحب اللي بينهم اقوي بكتير من ناس تانية اتجوزوا عن حب، والكلام ده بيتفق مع المقولة اللي بتقول " الحب هييجي بعد الجواز" ،
بس في اراء تانية بتقول ان الجواز التقليدي مش بيكون ناجح اوي لان ممكن الطرفين ميعرفوش يحبوا بعض ، وطبعا اصحاب الراي ده مؤيدين للجواز عن حب وشايفين ان الحب بين الطرفين هو اللي هيخليهم يقدروا يستمروا مع بعض ويتحملوا كل صعوبات الحياة ويتخطوها بسهولة.
ياريت اعرف كل واحد رايه ايه في الموضوع ده، وبيفضل انهي نوع ، وليه، وياتري شايفين الجواز عن حب انجح ، ولا الجواز التقليدي؟
موضوع: الجواز عن حب، ولا التقليدي؟