عدد الرسائل : 219 العمر : 36 تاريخ التسجيل : 29/03/2008
موضوع: : نظرية البزبوز !!!! الإثنين أبريل 28, 2008 3:25 pm
البراد من غير بزبوز لو مليناه ماية وحطناه على النار هيحصل ايه ؟ هيفرقع ! طب ليه ؟ علشان البخار الزايد الناتج من عملية الغليان مبيخرجش لكن لو فى بزبوز مش هيفرقع هية دى نظرية البزبوز واللى بنطبقها فى حياتنا وبنشوفها كتير
طيب نقول مثال توضيحى برامج التوك شو زى البيت بيتك و القاهرة اليوم و90 دقيقة
كل دى برامج بزبوزية
بتخرج شوية البخار الزايد عند الناس وبتفرح بزبوزهم لما تعرض بعض السلبيات اللى بتحصل فى الحياة علشان كدة بتلاقى نسبة المشاهدة على البرامج دى كبيرة جداً ليه ؟ لأنها بتريح الزبون ! ودى إحدى النتائج الإيجابية لنظرية البزبوز
لكن الأحداث الأخيرة فى إضراب 6 ابريل أظهرت الخلل فى تطبيق نظرية البزبوز
" فكلما أقتربت من البزبوز ! تتلسع وتتحرق ويمكن تموت كمان "
ودا اللى حصل فى المحلة
فبدل من المسيرات السلمية التنفيسية المنظمة كانت مظاهرات حربية تخريبية عشوائية ! أحرقت المدارس و عربات القطارات والسيارات وكسرت كباين بنوك الصرافة بل وأزهقت الارواح !و و و
لحد ما بقى البراد قنبلة موقوتة والبزبوز هو الفتيل واللى يقرب هيبقى قتيل !!!!!
بس السؤال ليه إحنا شعوب بنعرف نألف نظريات ونيجى عند التطبيق ونفيص ! لا وكمان بنخرب !
موضوع: : نظرية البزبوز !!!! 
